بسم الله الرحمن الرحيم
من حماد بن هديب إلى الأخ المكرم إبراهيم بن أحمد بن عبيد سلمه الله تعالى سلام عليكم ورحمة الله وبركاته وموجب الخط السلام وبعد ذلك رحنا منكم بالورقة ويوم وصلت التويم برقت وإلا ما لنا حجة فيها نحتج بها على عيال عمي عبدالمحسن وهي تسامية ؟ نخلنا حنا والبعيجان ولقيت لي خوي في التويم ومشيت أنا وإياه فأنت لا خليت نمك تبرق في الأوراق وش اللي مذكور فيها نخلنا في الروضة إنت عارف أن له أوراق وش لفظ أبوي أو جدي وأوراق ناصر بن عبدالله بن حمد أن تبرق وش لفظهم وتسبيلهم من يصير الأقرب تبرق في كل ورقة مذكور فيها نخل الروضة وتخبرني بعجلة آجي قبل يصرمون النخل ومن طرف الورق هما؟ ومننا؟ أروحها إلا مع يد حفيه أو معي إن بغيت أجي تحرص إن شاء الله تخبرني بخط عن اللي تلقى من الأوراق أنت عارف ما هنا إلا الله ثم إنت ؟ تخلي عبدالرحمن بن حماد يبرق فيهن أبخص؟ من غيره وتخليه يكتب لي خطا على لسانك مع أو ؟ من يقبل لازم سلم لنا على عبدالرحمن بن حماد وعيال أخوي وأنت سالم والسلام 18 ذي سنة 1337
يصل الخط المكرم إبراهيم بن أحمد بن عبيد بجلاجل إن شاء الله
