مقاولة عبدالرحمن بن ربيعة على بناء سلسلة شويشة ومعابر الخيس
HM-001502 — وثائق سدير — 5 المحرم 1359هـ
بسم الله الرحمن الرحيم
موجب ذلك بأن عبدالرحمن بن ربيعه قاطع محمد بن سلمان والعجيان واحمد الدهش واخوياهم يطوون سلسله شويشه من عاير الخيس الجنوبي الى الخد الجنوبي ويعطنونها تشرق الين تعد الجاده رفع السلسله على سلسله الخيس قبل شغل الدوسا يكون ظهر السلسله واحد ويحطون في قفاها بغله توازن المطوى فاذا وازنت المطوى يحفرونها ويصلصونها حتى تنتهي على ذراع وربع عرض وطول وعرضها مع الحصا قبل تحفر ثلاث اذرع الحديد ويفصلون في جنوبيها معابير اثنين بينهن كبش ويحطون فيها سواعد ويطمونهن ويركبون عليهن بغله ويحطونهن وسع معابير الخيس ويحطون على معبر الخيس الشرقي ساف ويضبطون عضوده بحصا وطين وسواعد ويطمونه ويحطون فوقه بغله وعلى المعبر الخيس القبلي ساف ويحطون وزرة على الكبش الشمالي واجرتهم على الجميع مائتين وأربعين ريال فرانسه ووزنتين قهوة وثلث وزنة هيل يسلم لهم عبدالرحمن من الاجر والمذكوره مايه وعشرين ريال وستين اذا نظم ثلثين الشغل وستين اذا اكتمل الشغل ان شاء الله وجميع ماينوب الشغل من عوامل وماء ومحافر ومساحي على عبدالرحمن وان كان التراب احتاج تراب طيب من عشره الابواع ورا فيقربه عبدالرحمن لهم واشترط عليهم عبدالرحمن الطوي الطيب والبنيان الطيب شهد على ذلك عبدالرحمن بن عبدالله بن عبدالجبار وشهد به كاتبه احمد بن محمد بن حسن حرر 5 م سنه 1359.
